Құрылу тарихы

Басты бет
Орталық туралы

Орталық туралы

«Оқулық» республикалық ғылыми-практикалық орталығы (бұдан әрі Орталық) ҚР Үкіметінің 2005 жылғы 29 сәуірдегі №405 қаулысына сәйкес құрылды.

2021 жылдың 6 мамырында Орталық атауы Республикалық ғылыми-практикалық білім мазмұнын сараптау орталығы болып ауысты.

Орталық – білім беру деңгейлері бойынша оқулықтарды, оқу-әдістемелік кешендерді сараптаудың операторы. Бұл қызметті Орталық 2005 жылдан бастап тұрақты жүзеге асырып келеді. Аталған қызмет оқу әдебиеттерінің МЖБС, үлгілік оқу жоспарлары, бағдарламалар және басқа да бірқатар нормативтік құжаттар талаптарына сәйкестігіне мемлекеттік бақылауды қамтамасыз етуге бағытталған.

Орталық білім беру деңгейлері бойынша оқулықтарға, оқу-әдістемелік кешендер мен оқу құралдарына сараптама жүргізуді ұйымдастырады. Оқулықтарды мақұлдау бірнеше кезеңнен тұрады. Атап айтқанда: 1) екі кезеңді ғылыми-педагогикалық сараптама, 2) жаңадан әзірленген оқулықтарды пилоттық мектептерде сынақтан өткізу, 3) қоғамдық-педагогикалық талқылау және 4) пәндік сараптамалық комиссия қарауы.

Зертханалар

Бастауыш, негізгі орта және жалпы орта білімнің оқу әдебиеттерін сараптау зертханасы

Бастауыш, негізгі орта және жалпы орта білімнің оқу әдебиеттерін сараптау зертханасы, «Оқулық» республикалық ғылыми-практикалық орталығының, құрылымдық бөлімшесі болып табылады, тікелей Орталықтың директорына бағынады.
Зертхананың басты міндетіне бастауыш, негізгі орта және жалпы орта білімнің оқу әдебиеттерінің теориялық және практикалық сараптамасын ұйымдастыру және өткізу жатады.
Оқу әдебиетінің әдіснамасы зертханасы

Оқу әдебиетінің әдіснамасы зертханасы, «Оқулық» республикалық ғылыми-практикалық орталығының, құрылымдық бөлімшесі болып табылады, тікелей РҒПО-ның директорына бағынады.
Зертхананың басты міндеттері:
- білім берудің барлық деңгейлері үшін оқу әдебиеттерін әдістемелік сүйемелдеу мен басып шығару;
- басылатын әдебиеттерді жетілдіруге септік ететін қазіргі заманғы оқулық пен ОӘК-нің тұжырымдамалық негізін әзірлеу болып табылады.
Мектепке дейінгі тәрбие және оқыту, техникалық және кәсіптік, жоғары және жоғары оқу орнынан кейінгі білім оқу әдебиеттерін сараптау зертханасы

Мектепке дейінгі тәрбие және оқыту, техникалық және кәсіптік, жоғары және жоғары оқу орнынан кейінгі білім оқу әдебиеттерін сараптау зертханасы, «Оқулық» республикалық ғылыми-практикалық орталығының құрылымдық бөлімшесі болып табылады, тікелей Орталықтың директорына бағынады.
Зертхананың басты міндетіне мектепке дейінгі тәрбие мен оқытудың, техникалық және кәсіптік, жоғары және жоғары оқу орнынан кейінгі білім беруге арналған оқу әдебиеттерінің теориялық және практикалық сараптамасын ұйымдастыру және өткізу жатады.
Оқу әдебиеттерін мониторингілеу және сынақтан өткізу зертханасы

Оқу әдебиеттерін мониторингілеу және сынақтан өткізу зертханасы, «Оқулық» республикалық ғылыми-практикалық орталығының, құрылымдық бөлімшесі болып табылады.
Зертхананың басты мақсаты білім берудің барлық деңгейлері үшін оқу әдебиеттерін мониторингілеу және сынақтан өткізуді ұйымдастыру, өткізу нәтижесі туралы ақпараттарды жинау, өңдеу және қорытындылау.
Ақпараттық технологиялар және электрондық оқу басылымдарын сараптау зертханасы

Ақпараттық технологиялар және электрондық оқу басылымдарын сараптау зертханасы, «Оқулық» республикалық ғылыми-практикалық орталығының, құрылымдық бөлімшесі болып табылады, тікелей РҒПО-ның директорына бағынады.
Зертхананың басты міндетіне білім берудің барлық деңгейлері үшін электрондық жеткізгіштердегі оқу әдебиеттерінің теориялық және практикалық сараптамасын ұйымдастыру және өткізу жатады.